O CN Culleredo gaña cinco medallas no Campionato Galego Infantil

Noa Borrazás proclamouse campiona galega en 100 m. costas, 200 m. costas e 400 m. libres, e subcampiona galega en 200 m. libres. Paula Hernáez acadou a medalla de bronce nos 100 m. braza. 

Paula completou a súa participación cun honroso cuarto posto en 200 m braza, o mesmo que acadou Alicia en 800 m. libres.

No resto de probas disputadas, tanto Alicia coma Claudia e Mateo ocuparon lugares destacados na clasificación, mellorando os seus tempos e acadando valiosos puntos para a clasificación por equipos. 

Unha vez máis, os nosos nadadores demostraron saber sobrepoñerse ás enormes dificultades para o desenrolo dos adestramentos, motivadas pola falta de dispoñibilidade de instalacións, acadando a pesar de todo uns resultados extraordinarios.

O equipo acadou unha meritoria clasificación final no posto 14, a pesares de acudir con tan só cinco nadadores, e ningún deles de último ano. 

¡BRAVO CAMPIÓNS!